Një skandal i vërtetë që ka tronditur komunitetin lokal dhe institucionet shtetërore ka ndodhur në Rodos të Greqisë, teksa një 13-vjeçare është shantazhuar nga bashkëmoshatarë të saj me një video, që përmban kontet seksual.
Mediat vendase raportojnë se një djalë (14 vjeç), duke shfrytëzuar idenë që i ka dhënë një shoqe e tij e klasës, dyshohet se ka regjistruar në celularin e tij marrëdhënien seksuale me vajzën e mitur (13 vjeçe).
Pas nxitjes që mori më pas nga shoqja e tij, e cila është gjithashtu e përfshirë në këtë rast pasi ajo ka kërkuar që të filmojë aktin dhe nëpërmjet videos të kërkojnë shumën prej 2000 euro nga e mitura, 14-vjeçari i publikoi imazhet në internet.
Në celularët e shokëve të klasës dhe mësuesve kanë arritur gjithsej shtatë video prej disa sekondash, ndërsa dy të miturit, nxënës të shkollave të mesme në Rodos akuzohen për trafikim të materialeve pornografike.
Siç shkruan konkretisht dimokratiki.gr , 14-vjeçari dyshohet se ka pasur një lidhje me viktimën 13-vjeçare dhe ka regjistruar momentet e tyre private në celularin e tij, të cilat i ka ndarë me nxënës të tretë të së njëjtës shkollë, si dhe mësuesit.
Paratë që synonte të përfitonte nuk i janë dhënë asnjëherë 14-vjeçarit dhe për të realizuar videot ai ka gënjyer viktimën se në atë moment po i shkruante nënës, por ajo që në fakt po bënte ishte t’i dërgonte imazhe shoqes së tij.
Ai i dërgoi asaj gjithsej shtatë video me kohëzgjatje nga disa sekonda secila , të cilat ai i pranoi se i ka realizuar kur u thirr nga drejtori i shkollës për t’i shpjeguar.
Ndonëse nuk dukej fytyra, fotot u shpërndanë mes nxënësve të kompleksit shkollor, konkretisht përmes një bisede në grup të fëmijëve në rrjetet sociale.
Videopërgjimi dyshohet se ka ndodhur më 24 shkurt 2023, vepra dyshohet se është konstatuar më 8 mars 2023 dhe urdhri i prokurorisë është lëshuar dy ditë më vonë nga Prokurori Publik i Rodosit. Tashmë është në zhvillim e sipër një ekspertizë paraprake, nën mbikëqyrjen e punonjësve të Nëndrejtorit të Sigurisë Rodos, për të përcaktuar nëse një krim është kryer dhe të enjten e kaluar viktima dha një deklaratë në prani të një psikologe fëmijësh.
Drejtori i shkollës u njoftua nga një këshilltari i shkollës, i cili mësoi për incidentin gjatë pushimit. E mitura është telefonuar dhe është njoftuar se çfarë kishte ndodhur, më pas janë vënë në dijeni prindërit e saj dhe Prokuroria, e cila ka nisur procesin e hetimeve dhe sekuestrimin e celularëve e kontrollin e tyre nga Drejtoria e Hetimeve Penale.
