Këmbësorët shpeshherë janë burim aksidenti, pasi nuk respektojnë sinjalistikën rrugën. Sipas të dhënave të institutit statistikave, shumica e aksidenteve rrugore në zonat urbane kanë si shkaktarë sjelljen e padisiplinuar të këmbësorëve.
Eksperti rrugor Fadil Likaj thotë se kodi rrugor parashikon gjobë në këto raste, por ato nuk vihen pasi mungon mekanizmi.
“Në zonat urbane ku kemi përqendrim më të madh të popullsisë aty kemi dhe problemet me aksidentet, automjet- këmbësorë, pasi qytetarët nuk lëvizin në vendet e duhura por lëvizin në mënyrë të çrregullt dhe në këtë formë rritet propabiliteti që ato të aksidentohen”- tha eksperti për Euronews Albania.
Kodi rrugor në nenin 144 të tij parashikon gjobë nga 1 deri në 3 mijë lekë për këdo që nuk zbaton sinjalizimin rrugorë, por asnjë këmbësor nuk gjobitet.
“Të merren masa adimistrative për këmbësorët ashtu sic edhe kodi rrugorë e parashikon por nuk aplikohet se nuk është zgjedhur mekanizmi që të vilet masa administrative për këmbësorët”- shtoi ai.
