Deputetja e Partisë së Lirisë, Monika Kryemadhi i bëri thirrje SPAK të reagojë ndaj kryebashkiakut të Tiranës.
Kryemadhi thekson se janë bërë 752 ditë që kur ka bërë padinë e saj lidhur me inceneratorin e Tiranës, ndërkohë që shton se Erion Veliaj vijon me pagesat në dëm të qytetarëve.
“Erioni vazhdon bën pagesa për inceneratorin e Tiranës. Uroj që pas 752 ditësh hetime komplekse, nga momenti që unë kam dorëzuar kallëzimin, SPAK të reagojë në interes të qytetarëve dhe të mos lejojë më Erionin të bëjë pagesa fiktive nga taksat shumë të larta që paguajnë banorët e Tiranës. Djalli fshihet pas pagesave të Tiranës që vazhdojnë, se Elbasani dhe Fieri i morën të plota pagesat nga shteti. Detyra e SPAK është të kthejë lekët e shqiptarëve tek shqiptarët, kjo ka rëndësi sot, jo individët,” tha Kryemadhi në një reagim.
