Tirana ka nisur stërvitjen për ndeshjen e radhës në kampionat ndaj Erzenit.
Skuadra ka zbritur në fushë fillimisht pasditen e djeshme, ndërkohë që po punohet për sfidën me shijakasit.
Skuadra bardheblu ka disa ditë pushim, ndërsa tani do të fokusohet për kampionatin.
Qëllimi kryesor i skuadrës bardheblu është të jetë gati për takimin e datës 1 prill. Me Erzenin, Tirana mbyll fazën e tretë të Superiores.
Objektivi i skuadrës është që Abazaj të kthehet në formën më të mirë të mundshme. Sipas asaj që është bërë e ditur, mësohet se Shehi kërkon që Abazaj jo vetëmtë jetë gati për të luajtur titullar, por ai e mendon që ta aktivizojë lojtarin në sulm.
Më saktë, Shehi e sheh Abazajn si në krahun e majtë, po ashtu edhe në qendër të sulmit. Kjo lëvizje është bërë në mungesë të Patrikut, i cili ka mbyllur sezonin për shkak të dëmtimit. Patriku, madje me shumë mundësi do të kthehet në sezonin e ri.
Për sa i përket këtij sezoni, te Tirana do të stërviten pasdite, pasi shkak është bërë muaji i Ramazanit. Te Tirana janë shumë lojtarë që agjërojnë dhe për këtë qëllim, klubi është munduar që të lehtësojë sa më shumë sakrificën e tyre.
