Një video e publikuar së fundmi në ‘Twitter’ tregon momentin kur një fëmijë 1-vjeçar braktiset në kufirin SHBA-Meksikë. Pamjet në video tregojnë se kamion i bardhë i Patrullës Kufitare ka mbërritur shpejt pranë fëmijës së braktisur dhe një agjent e ka marrë fëmijën brenda.
“Një fëmijë një vjeçar nga Guatemala u braktis përgjatë lumit Kolorado të hënën pasdite nga një kontrabandist që e çoi përtej kufirit dhe më pas e la buzë ujit. Falë reagimit të shpejtë të agjentit tonë, tragjedia u shmang!”- shkruhet krahas videos të publikuar nga shefi Raul Ortiz.
Mbrojtja Kufitare tha për CNN se djali është identifikuar, por agjencia nuk është në gjendje të zbulojë identitetin e tij për shkak të rregulloreve të privatësisë.
“Fëmija do të vendoset në kujdesin e Departamentit të Shëndetësisë dhe Shërbimeve Njerëzore, Zyra e Zhvendosjes së Refugjatëve”,– tha zëdhënësi John Mennell.
