Prefekti i Korçës, Nertil Jole ka reaguar ka reaguar pas lëkundjeve të tërmetit që janë ndjerë në orët e para të mëngjesit të kësaj të enjteje në jug-lindje të Elbasanit dhe veri-perëndim të Ersekës.
Jole ka ndarë disa foto me banorë të zonës dhe bën me dije se nga tërmeti 4.8 ballë nuk ka pasur asnjë banesë të dëmtuar.
Ai thekson se ekipet e emergjencave janë në terren dhe po bëjnë vlerësimin e situatës.
“Gjatë natës së kaluar lëkundje tërmeti u ndjenë në zonën tonë dhe epiqendra ishte në fshatin Mollas. Nga biseda që pata këtë mëngjes me administratorin e Mollasit dhe banorë të Qafzezit, mësova se nuk ka patur pasoja.
Ekipi i emergjencave do të jetë në terren për çdo nevojë të banorëve dhe vlerësim të situatës”, shkruan Jole.
