Gazetari, Basir Çollaku, i ftuar në Syri TV, sqaroi dhe më shumë në lidhje me editorialin e tij te fundit ‘Nëse reagojmë si normalë, nuk e mundim dot një të çmendur si Rama’ në të cilin shkruan se “Në këtë çmendinë të krijuar nga kryeministri i vetmi shpëtim është të cmendemi të gjithë nga pak për të përballuar situatën”.
Çollaku teksa akuzoi Ramën se ka prishur balancën e pushteteve, u shpreh se ndonëse nuk është etike të thuhet, Rama nuk shquhet për trashëgimi të shëndetshme të shëndetit mendor.
Çollaku: Ajo çfarë po ndodh tek ne nuk është aspak sekret as e padukshme. Veprimet e kryera nga kryeministri, janë, normale jo që jo, të paligjshme në mënyrë të pandërprerë, të dhunshme vazhdimisht. Por çfarë ka ndodhur? Edhe tek rasti i përmendur në Durrës, ajo është bërë më një mesazh, me një telefonatë në një rast standart, procedura praktike, njoftimet, vendimet e gjykatës, ka prishur balancën e pushteteve nuk ka më legjislativ, qeveri, gjyqësor. Të gjitha pushtetet kulmojnë tek një individ, urdhrat e të cilat janë edhe vendime gjykate edhe prokurorie, edhe SPAK, edhe Kushtetuese, edhe Gjykata e Lartë. Pra, i gjithë sistemi ka rënë në kurrizet e një njeriu dhe ky njeri me gjithë këtë barrë paligjshmërie shtyp këdo që i del përpara.
Çollaku: Pavarësisht se nuk është mirë edhe për arsye etike që të thuash Rama nuk shquhet për ndonjë trashëgimi të shëndetshme të shendetit mendor, por historia ngecet këtu ku jemi ne. Pushteti në çdo vend demokratik ndërrohet me votë. Shkohet tek kutia votimit, ku ka dalë data dhe vullneti i njerëzve, rezultati lë në fuqi një forcë apo e ndryshon atë. Këtu tek ne kjo gjë nuk egziston. Pra, ky instrument i demokracisë është fikur, shuar, asgjësuar. Është në duart e ca burrave të krimit atje, që dalin me çanta me arm, me të fortë dhe dallavare dhe i qëndisin kutitë sipas qejfit të porositësit. Pra është një lloj fasonerie tashmë data elektorale.
