Sipas revistës “Sports Illustrated”, Michael Jordan mbetet sportisti më i pasur i planetit me një pasuri që vlerësohet të jetë 3.3 miliardë dollarë. Në klasifikimin e veçantë të revistës amerikane, edhe pse Jordan është tërhequr nga sporti aktiv prej më shumë se një dekade, ai vazhdon të gjenerojë miliona dollarë në vit falë imazhit të fuqishëm që ka në botën e koshit.
Vendi i dytë shkon për një amerikan tjetër, golfistin Tiger Woods me 2,5 miliardë dollarë pasuri. As divorci i kushtueshëm i disa viteve më parë nuk i ka dobësuar pozitat e golfistit me ngjyrë.
Cristiano Ronaldo? Në vendin e pestë me 1.58 miliardë dollarë. Shumë larg është sulmuesi i Al-Nassr që edhe me kontratën e re nga e cila përfiton 200 milionë në sezon, nuk arrin t’i afrohet as gjysmës së pasurisë që ka Jordan.
Ndërkohë, LeBron James mbetet në vendin e gjashtë të këtij klasifikimi të veçantë. Shtatlarti i Lakers ka një pasuri që vlerësoihet të shkojë deri në 1.53 miliardë.
