Armando Broja është mungesa e madhe e Kombëtares shqiptare në ndeshjen e parë kualifikuese kundër Polonisë. Pas dëmtimit dhe operacionit para 3 muajsh ai jo vetëm që është rikuperuar, por ka vijuar stërvitjen me intensitet.
Ka qenë vetë klubi i Chelsea që ka postuar një video ku sulmuesi kuqezi shihet duke kryer ushtrime në palestër. Ai ka nisur kontaktin edhe me topin, por gjithsesi, ende nuk është gati për të luajtur.
“Shikoni! Armando Broja duke shkelmuar një top dhe duke forcuar forcën e tij në palestrën në Cobham!”, është fjalia që shoqëron videon e publikuar nga Chelsea TV.
Working hard for a stronger return! 💪 pic.twitter.com/S7dJ7wsy2n
— Chelsea FC (@ChelseaFC) March 21, 2023
Besohet se në ndeshjet e qershorit më 17 dhe 20, kundër Moldavisë dhe Ishujve Faroe, bomberi shqiptar do të jetë gati, duke i dhënë një dorë kombëtares për Euro 2024.
