Pasditen e djeshme qyteti i Vlorës u trondit nga dy aksidente të njëpasnjëshme, të ndodhura në rrugën Transballkanike, dhe që të dyja kishin për protagonist ish-drejtorin e Doganës së Fierit, Arlind Lagji, i cili u shkarkuar pas përgjimeve që tregonin dhunën dhe kërcënimet e tij ndaj bashkëshortit të dashurës që kishte në një lidhje jashtëmartesore.
46-vjeçari nën drejtimin e një automjeti luksoz tip “Volkswagen Tuareg”,, përplasi fillimisht një këmbësore. Lagji nuk ndaloi t’i jepte ndihmën e parë apo të njoftonte autoritetet, por i dha gaz duke përplasur dhunshëm disa metra më tutje një tjetër automjet.
Në bordin e këtij të fundit ishte një person që mbeti po ashtu i plagosur së bashku me këmbësoren dhe të dy u transportuan në spital.
Teksa, Lagji është vënë në pranga nga policia dhe mbi të rëndojnë akuzat “Drejtimi i automjeteve në mënyrë të parregullt”, “Shkelja e rregullave të qarkullimit rrugor“ dhe “Largimi nga vendi i aksidentit”, në lidhje me dy aksidentet e njëpasnjëshme të tij ka reaguar edhe Algert Beluli.
Ai publikoi audio-përgjime me ish-drejtorin e Doganave, ku Lagji e kërcënonte me jetën e vajzës dhe i thoshte ‘do ta bëj trupin thela-thela’, ndërsa historia kishte nisur pas marrëdhënies intime që bashkëshortja e Belulit, Anxhela Ngjeqari kishte krijuar me 46-vjeçarin.
Beluli deklaron se Lagji ka ndërhyrë për të shpëtuar Anxhela Ngjeqarin nga akuzat për aksidentin që ish-bashkëshortja i shkaktoi atij, ku tentoi t’i merrte jetën duke e shtypur me makinë. Sipas tij për këtë ekzistojnë të gjitha provat në prokurori dhe asnjë masë nuk është marrë, ndaj Beluli ka frikë se Lagji do të dalë i pa lagur edhe nga aksidenti i djeshëm.
Beluli është shprehur gjithashtu se i është dashur të largohet nga Shqipëria pasi zbuloi tradhtinë e bashkëshortes me ish-kreun e doganës së Fierit, i cili më pas edhe e dhunoi.
“Ky është rast i përsëritur, pasi më ka goditur është larguar. Ky është një rast i paralajmëruar shumë qartë, se e kam denoncuar atë person në organet e shtetit. Nuk është marrë asnjë masë ndaj atij personi. Ai del në rrugë, sikur nuk ka kryer asnjë vepër penale. Unë jam këtu pasi në Shqipëri jam përndjekur nga personi, nga persona të paidentifikuar. Më pas nuk më ka dalë dikush garant, kam kërkuar azil. Në bazë të asaj që konstatoj, dyshoj se prokuroria e Fierit është e kapur nga krimi. I bëj thirrje opinionit publik se personi në fjalë mund të marrë jetë njerëzish, ai deklaron se është kriminel, që ka dijeni për vrasje”, shprehet Beluli.
Konflikti i Lagjit dhe Belulajt u bë publik pak kohë më parë ku ky i fundit denoncoi Lagjin dhe bashkëshorten e tij për lidhjen jashtë-martesore ndërsa pas akuzave, ish-drejtori i doganës së Fierit u pezullua.
LEXO EDHE:
“Të q*** rracën”/ Drejtori që kërcënoi qytetarin, protagonist i aksidentit më dy të plagosur (VIDEO)
Shkaktoi dy aksidente në Vlorë, arrestohet ish-drejtori i Doganës në Fier
