Kandidati i opozitës për zgjedhjet e 14 Majit, Belind Këlliçi ka reaguar pas aksidentit të autobusit të kompanisë së Nadir Caushollit.
Ai shprehet se aksidenti është dëshmi seriale e fytyrës së vërtetë dhe mënyrës së funksionimit të Bashkisë së drejtuar nga Erion Veliaj.
“Aksidenti dhe dëmet që ka shkaktuar sonte një autobus i transportit publik në Tiranë është dëshmi seriale e fytyrës së vërtetë dhe mënyrës së funksionimit të Bashkisë. Me Erion Veliajn çdo gjë është fasadë, propagandë dhe e rreme. Nuk janë qytetarët prioritet, as siguria e tyre, as lehtësia në qarkullim. Dukja është përparësi dhe shitja në publik e një realiteti tjetër nga ai ekzistuesi. Kallaji po i bie Veliajt nga dita në ditë. Qytetarët po shohin e po prekin me dorë se si janë qeverisur këto 8 vite, pa transparencë dhe me abuzime nga Veliaj e drejtorët e tij. Më 14 Maj e kthejmë Bashkinë Tiranë në shina, kthejmë punët me thelb e me rëndësi, shërbimet dhe sigurinë për qytetarët”, shkruan Këlliçi në një postim në rrjetet sociale.
