Enkelejda Lleshi është një nga zyrtaret e arrestuara në bashkinë e Bulqizës, për abuzimet me tenderat ku pas hekurave u vu dhe kryebashkiaku Lefter Alla.
Kjo e fundit tha para togave të zeza sot se nuk ishte më nënkryetare e kësaj bashkie, por kishte dhënë dorëheqje dhe aktualisht punonte në drejtori në këtë institucion.
“Kam zbatuar ligjin, nuk kam shkelur asnjëherë detyrën. Kam dhënë dorëheqjen nga nënkryetare dhe punoj në një drejtori në bashki. Nuk e përballoja dot volumin e madh të punës”, tha Lleshi.
Pavarësisht deklaratave të saj, Lleshi është lënë në masën ‘arrest me burg’.
