Gjykata italiane ka dënuar me 6 vite burg një 27-vjeçare shqiptare për vrasjen e 53-vjeçarit italian, Massimo Garitta.
Mediat italiane raportojnë se ngjarja ndodhi më 1 janar 2019, kur trupi i burrit u gjet, pas një denoncimi nga një pasagjer treni, që kishte parë viktimë në një fushë pranë hekurudhës.
Shqiptarja deklaroi asokohe se burri kishte tentuar ta përdhunonte, duke i shkaktuar lëndime në këmbë. Në tentativë për të shpëtuar, ajo tregon se e përplasi Garittën me makinën e saj të vogël.
53-vjeçari u gjet në një fushë me xhup dhe mbathje të ulura. E reja shpjegoi se pasditen e 31 dhjetorit ishte takuar me Garittën në qytet dhe se me të kishte arritur në një zonë periferike. Në atë moment supozohet se kishte nisur sulmi seksual.
