Përballje titanësh rezervojnë sfidast e ardhshme të Ligës së Kampionëve, kompeticionit më prestigjioz europian të futbollit për klube.
Në Nion të Zvicrës, U hodh sot shorti që përcaktoi katër çiftet çerekfinaliste të këtij sezoni në Champions League.
Reali i Madridit do të përballet me Chelsea-n, ndërsa goglat kanë rezervuar më tej një sfidë tejet interesante, duke vënë përballë Manchester City-n me Bayernin.
Interi gjen Benfikën, ndërsa Milani përplaset me Napolin në një derbi italian.
Në shortin e sotëm janë përcaktuar edhe çiftet gjysmëfinalistë: fituesi i Real Madrid – Chelsea do të përplasjet me fituesin e Manchester City – Bayern, ndërsa gjysmëfinalja tjetër do të jetë e kualifikuara e Inter – Benfika kundër fitueses së Milan Napoli.
Sfidat çerekfinale
Real Madrid – Chelsea
Inter – Benfika
Manchester City – Bayern Munich
Milan – Napoli
Sfidat gjysmëfinale
Milan-Napoli / Inter-Benfica
Real Madrid-Chelsea / Manchester City-Bayern Munchen
Oraret
Ndeshjet e para të dueleve çerekfinaliste do të luhen të martën dhe të mërkurën e 11 dhe 12 prillit, ndërsa ato të kthimit do të mbahen në datat 18 dhe 19 prill.
Gjysmëfinalet do të luhen në datat 9-10 dhe 16-17 maj, ndërsa finalja e këtij sezoni do të zhvillohet të shtunën e 10 qershorit në Stamboll. Të gjitha sfidat nisin në 21:00.
Duhet kujtuar se prej sezonit 2021-‘22 rregulli i golit në fushë kundërshtare nuk vlen më. Pra në rast se dy ndeshjet do të përfundojë në barazim golash, atëherë do të shkohet në kohën shtesë dhe në rast se edhe atje nuk do të ketë fitues, ai do të përcaktohet nga penalltitë.
Po sot, u hodh dhe shorti për të përcaktuar çerekfinalet dhe gjysmëfinalet e Europa League dhe Conferencë League.
