Pas Bordit të Ushqimeve, Partia Demokratike ka çuar në Gjykatën Kushtetuese shfuqizimin e vendimit për Bordin e Naftës.
Pas mbarimit të seancës, përfaqësuesi i PD-së, Marash Logu tha se Bordi është i paligjshëm dhe u shpreh besimplotë se Gjykata Kushtetuese do të vendosë për shfuqizimin e tij, njëjtë si për Bordin e Ushqimeve.
“Shfuqizimin e Bordit të ushqimit dhe bordit të naftës. Gjykata Kushtetuese ka vendosur shfuqizimin e bordit të ushqimit, shpresojmë që e njëjta procedure të ndiqet edhe në këtë rast. Vendet e rajonit dhe BE nuk kanë zgjedhur të krijojnë një bord, por përmes reduktimit të taksave apo paketave dhe masave subvencionuese. Është fakt se para bordeve janë përballur me nivele të larta çmimesh. Gjykata Kushtetuese ka 30 ditë kohë për të dhënë mendimin e saj. Do të shohim cdo formë tjetër ligjore”, tha Marash Logu.
