Një burrë, i cili njihet për brirët në anën e kokës, ka vdekur në moshën 140-vjeçare. Vdekja e Ali Anter, i cili supozohet të jetë njeriu më i vjetër i Jemenit, vjen pasi ai mori famë për brirët e tij të çuditshëm.
Ali njihet edhe me nofkën “Dy Brirët”, me prejardhje nga Guvernatori Al Jawf. Pasi mbushi 100 vjeç, atij filluan t’i shfaqeshin brirë në të dyja anët e ballit, ka raportuar gazeta jemenase Aden al-Ghad. Një prej tyre vazhdonte të rritej gjatë gjithë kohës dhe iu përthye si bri dhie.
Para se të vdiste, briri i tij arriti të kishte një madhësi shumë të madhe, deri në nivelin e gojës. Aliu raportohet të ketë vdekur tre ditë pas xhirimit të një videoke, ku shihet një person duke u përpjekur të ndërpresë rritjen e bririt me një instrument të nxehtë.
Mësohet se videoja është postuar nga të afërmit e tij. Një anëtar i familjes ka deklaruar se Aliu vdiq nga përkeqësimi i shëndetit fizik dhe mendor të shkaktuar nga pleqëria.
Mediat lokale raportojnë se Ali ishte në gjendje të mirë shëndetësore dhe kujtesa e tij ishte në rregull deri rreth vitit 2017, kur gjendja e tij filloi të përkeqësohej. Ai pretendohet se ka më shumë se 70 nipër e mbesa.
Rritjet që dalin nga balli i Aliut mund të kenë qenë brirë të lëkurës. Brirët e lëkurës janë tumore të lëkurës që përbëhen nga keratin e njëjta proteinë që përbën flokët, thonjtë dhe thundrat.
Ato lindin nga lezione beninje, pre malinje ose malinje të lëkurës dhe janë më të zakonshme tek pacientët e moshuar dhe njerëzit me lëkurë më të hapur. Në disa raste, ato shoqërohen me ekspozimin ndaj diellit dhe burimeve të tjera të rrezatimit UV.
Një rast i famshëm është ai i Madame Dimanche, një gruaje franceze që jetonte në Paris në fillim tëshekullit të 19-të.
Në moshën 76-vjeçare, asaj filloi t’i dilte një bri në ballin e saj rreth 24.9 cm, por një kirurg francez ia hoqi asaj me sukses.
Një fermer 74-vjeçar indian goditi kokën dhe filloi që në ballin e tij ti rritej një bri masiv. Shumica e këtyre masave që dalin janë beninje, por ato ndonjëherë janë kanceroze ose prekanceroze dhe duhet të trajtohen dhe ato mund të shfaqen në vende të ndryshme rreth trupit.
