Tre deputetë të Partisë Demokratike që mbështesin Sali Berishën, Tritan Shehu, Luan Baçi dhe Edmon Spahu kanë dhënë firmën e tyre për regjistrimin e koalicionit “Aleanca Liberale e Djathtë”.
Ky koalicion përbëhet nga Partia Balli Kombëtar Demorkat, Bashkimi Liberal Demokrat dhe Partia Bashkimi Demokrat.
Në një lidhje për ABC Neës, Shehu deklaroi se ai dhe dy kolegët e tjerë demokratë, e morën këtë vendim pasi këto parti opozitare, kishin hasur pengesa për t’u regjistruar në procesin zgjedhor të 14 majit.
“Nga ana tjetër, janë edhe parti të tjera opozitare që pengohen të marrin pjesë në procesin zgjedhor dhe krijohen shumë artifica që të mos marrin pjesë në procesin zgjedhor. Në këto kushte, ne, disa deputetë vendosëm të ndihmojmë formalisht disa parti të tjera opozitare për t’u regjistruar në procesin zgjedhor”, theksoi ai.
