Policia ka arritur të parandalojë një vrasje mëngjesin e sotëm në Vorë.
Blutë bëjnë me dije se, Edmond Picari, është kapur brenda një lokali me armë gjahu, teksa ka tentuar të vrasë një shtetas.
48-vjeçari është arrestuar, ndërsa është sekuestruar edhe arma e gjahut të cilën ky i fundit e kishte me leje.
“Falë ndërhyrjes në kohë nga shërbimet e Policisë, u kap dhe u ndalua shtetasi E. P., 48 vjeç, i cili kishte hyrë me forcë në ambientet e lokalit ku po qëndronte shtetasi E. P., 39 vjeç, dhe kishte tentuar të qëllojë me armë gjahu në drejtim të tij, për motive të dobëta.
Arma e gjahut, të cilën 48-vjeçari e mbante me leje, u sekuestrua në cilësinë e provës materiale, së bashku me një sasi municioni luftarak.
Në përfundim të veprimeve u bë arrestimi në flagrancë i shtetasit E. P., 48 vjeç, banues në Vorë, për veprat penale “Vrasja me dashje” mbetur në tentativë, “Shkatërrimi i pronës” dhe “Prishja e qetësisë publike””,– njofton policia.
Materialet i kaluan Prokurorisë, për veprime të mëtejshme procedurale.
