Sportingu i Lisbonës ka eleminuar Arsenalin nga Europa League pas goditjeve të penalltive.
90 minutat përfunduan në barazim 1-1 dhe në shtesë nuk pati ndryshim rezultati ndërsa Ishin llotaritë e 11-metërshave ato që vendosën skuadrën çerekfinaliste.
Fillimisht avantazhin e morën “topçinjtë”, ku shënuan me anë të kapitenit Granit Xhaka në minutën e 18′-të, të sfidës, por një supergol nga gjysma e fushës në minutën e 62′-të, nga portugezi Pedro Gonçalves çoi ndeshjen në kohën shtesë, e cila përfundoi sërish në barazim duke i vënë lojtarët përballë përgjegjësisë së penalltive.
Saka, Odegaard e Trossard gjetën rrugën e rrjetës, por një penallti e çuar dëm nga Gabriel Martinelli i jep fund “ëndrrës” londineze për të fituar trofeun e 2-të më të rëndësishëm në Evropë.
Tashmë, “luzitanëve” të Sporting Lisbon do u duhet të presin deri mesditën e nesërme për të zbuluar kundërshtarin e radhës në këtë kompeticion, me shortin që do të hidhet nesër si zakonisht në Nyon, të Francës.
