Një ngjarje e rëndë ka ndodhur në Durrës.
Sipas njoftimit të policisë bëhet me dije se një 44-vjeçar ka përfunduar në spital pasi dyshohet se i ka pasur në dorë një pjesë e vjetër e predhave të artilerisë që e kishte gjetur në kosh.
Shtetasi me iniciale R.N është dërguar në spital për ndihmë mjekësore dhe është jashtë rrezikut për jetën.
“Rreth orës 14:30, në lagjen nr. 17, Durrës, shtetasi R. N., 44 vjeç, dyshohet se është dëmtuar aksidentalisht, nga një djegore fundore e vjetër e predhave të artilerisë, të cilën e kishte gjetur në një kosh mbeturinash, djegore e cila i ka plasur në dorë kur ka tentuar ta hapë. 44-vjeçari është dërguar në spital për ndihmë mjekësore dhe është jashtë rrezikut për jetën”, njofton policia e Durrësit.
Grupi hetimor po punon për sqarimin e plotë të rrethanave të kësaj ngjarjeje.
