Kandidati i Partisë Demokratike për Bashkinë e Vorës, Indrit Hoxha ka paralajmëruar se një tjetër kryebashkiak socialist rrezikon prangat, për shkak të një tenderi në shkelje të ligjit.
Në një postim në Facebook, Indrit Hoxha thotë se arrestimin e rrezikon kreu aktual i Bashkisë së Vorës, Blerim Shera, për një tender të pastrimit të Bashkisë Vorë, i bërë në shkelje të plotë procedure në kurriz të taksave të qytetarëve.
“273 460 221 milionë lekë ose 2 milionë e 382 mijë euro është tenderi i pastrimit të Bashkisë Vorë, i bërë në shkelje të plotë procedure në kurriz të taksave të qytetarëve, për interesat korruptiv të Edi Ramës.
Dosja që do cojë para drejtësisë kryetarin aktual të Bashkisë Vorë dhe do ketë po të njejtin fat si kryetari Bashkisë Bulqizë”– shkruan ai.
