Kryetari i Partisë Demokratike Sali Berisha duket se e ka gjetur rrugën për të hyrë në zgjedhjet e 14 majit.
Mësohet se pas takimit me Petrit Vasilin, opozitarët kanë vendosur që kandidatët e Foltores për anëtarë të Këshillit Bashkiak, të dalin në një liste koalicioni, ku në përbërje të saj do të jetë, PL e Ilir Metës, BDNJ e Vangjel Dules si edhe PDK e Nard Ndokës.
Po ashtu burimet bëjnë me dije se ka bisedime të hapura me Ballin Kombëtar Demokrat.
Kandidatët e këtij koalicioni për kryetar bashkie, do të jenë ata të dalë nga Primaret, ndërsa listë të përbashkët do te ketë edhe për keshillat bashkiakë.
Ndërsa në një intervistë të dhënë pak më para, Nard Ndoka deklaroi se emri i koalicionit me të cilin do të futet PD e Berishës dhe partitë e tjera në zgjedhjet lokale të 14 majit, me shumë mundësi do të jetë si ajo e 6 marsit, “Shtëpia e Lirisë”.
