Luizi, Kristi dhe Armaldo thyen një nga rregullat kryesore të këtij formati. Ata u futën në të njëjtën banjë njëkohësisht, ndërkohë që një gjë e tillë nuk lejohet.
Për këtë arsye, Vëllai i Madh futi një zarf të zi brenda në shtëpi, i cili ndëshkonte 3 banorët. Për shkak se ata thyen rregullat, Vëllai i Madh vendosi që ata të tre të dërgohen në nominim.
Pas zarfit të zi, i cili dënoi Armaldon, Kristin dhe Luizin, duke i dërguar ata në nominim, Luizi u shpreh se ai e kishte planifikuar një gjë të tillë.
Ai u shpreh se duke qenë se Kutia e Pandorës i shkoi dëm, mendoi të shkelte rregullat duke përfshirë Armaldon dhe Kristin.
“E kisha organizuar enkas këtë gjë”, tha Luizi.
“Nuk ia harroj çfarë ka thënë Armaldo. Edhe me Kristin për fjalët që ka thënë për Kiarën, po bëj drejtësi sipas mënyrës sime”, shtoi ai.
Ndërkohë, Armaldo e konsideroi si një “thikë pas shpine” nga Luizi dhe Kristi.
“Si mund ta bëja unë këtë duke shkuar edhe vetë në nominim?”, iu përgjigj Kristi-Armaldos.
DISKUTIMET:
Luizi: E kisha organizuar enkas këtë gjë.
Armaldo: Inatet e vjetra, besoj se i bëri me Kutinë e Pandorës.
Luiz: Siç ma bëre, ta bëra.
Armaldo: Kjo është “thikë pas shpine”. E gjithë situata që kam kaluar me Luizin, është parë se kush ka patur të drejtë apo jo. Besoj se Kristi dhe Luizi e kanë organizuar bashkë këtë gjë. Kristi doli i lumtur nga banjo.
Luiz: Kur shkova aty me Oltën , i thash duke qenë se është perdja mbyllur, po iki në tualet. Unë e shfrytëzova mundësinë për tu futur, kur Kristi ishte në banjë. Pastaj erdhi Armaldo. Kur erdhi Armaldo, thash futu brenda dhe mbylla derën. Se çfarë kam me Armaldon e kam thënë dhe nuk e harroj. Kam vendos me bërë drejtësi sipas mënyrës sime. Meqenëse e kam të drejtën ta bëj. Unë Kutinë e Pandorës e provaova, por më shkoi dëm dhe thash ta provoj edhe njëherë.
Olta: Çun i mirë Luizi. Me zemër të madhe.
Qetsori: Kristi rrezikon më shumë, sjellja e tij ka qenë e rëndë.
Kristi: Pse ishte e rëndë?
Qetsori: Unë i thash Luizit që këtë javë nuk e ngacmoj fare, sepse kishte bërë një lojë të llogaritur.
Kristi: Vura veten në nominim. Ku është llogaria?
Elvis: Respektoj lojën e gjithkujt. Është publiku ai që vendos.
Olta: Pse nuk ma bëre mua?
Luiz: Ti mendon se nuk kam gjë për ty? E kam me këta të dy njëherë, pastaj do merrem me ty.
Kiara: Unë nuk i kam qejf fare këto gjëra. Nuk më pëlqejën disa lojëra të Luizit. Nuk e kontrolloj dot në disa gjëra.
Zhaklin: Pse i kërkove Kristit aleancë?
Luiz: Sepse kam nevojë për Keisin.
Zhaklin: Po ti kërkoi aleancë Kristit, pse Keisit?
Luiz: Kristi nuk del, jam i sigurtë.
Zhaklin: Kjo gjëja që ti bërë tani, nuk ishte aspak e planifikuar. Ty të vjen keq që dole në nominim me dy njerëzit e tu të dashur. Mos bëj si strateg.
Luiz: Që ti e ke pikë të dobët Kristin, kjo dihet.
Zhaklin: Jo, nuk e kam pikë të dobët. Shihni të dashurat e tuaja brenda, jo mua jashtë.
