Deputeti i Partisë Socialiste Arben Ahmetaj ka ankimuar vendimin për kontrollin e banesës së partneres së tij.
Ahmetaj ka deklaruar se partnerja e tij nuk është informuar paraprakisht për të pasur praninë e një mbrojtësi ligjor gjatë kohës që banesa e saj kontrollohej nga policia.
Më 9 mars, Byroja Kombëtare e Hetimit ka kryer kontrolle në shtëpinë e ish- gruas dhe partneres aktuale të Ahmetajt.
Kontrolli i parë është ushtruar në një vilë në zonën e Hamallajt, në vilën e partneres së tij, ku janë sekuestruar 30 mijë euro dhe një sërë dokumentesh që lidhen me këtë vilë.
Ndërkohë në shtëpinë e ish-bashkëshortes, rezulton se nuk janë gjetur para, por se janë marrë disa dokumente që vlerësohen të rëndësishme për hetimet.
