Teksa ishte në skenë Avril Lavigne u përball me një situatë sa të sikletshme, po dhe të vështirë. Ylli 38-vjeçar i pop-it, u ngjit në skenën në “Rogers Place”, për të hapur performancën e AP Dhillon.
Mirëpo, një protestuese toples e ndërpreu, pasi u ngjit në skenë duke treguar mesazhet që kishte shkruar në gjoks. Fillimisht Avril Lavigne u përpoq të vazhdonte performancën e saj, duke e injoruar protestuesen.
Megjithatë, pak më vonë, ajo u përpoq ta përballonte situatën me humor.
“Dil nga këtu. Largohu nga këtu ti ku*vë”, dëgjohet duke i thënë duke qeshur.
Disa sekonda më vonë, një burrë nga ekipi i sigurisë ngjitet në skenë dhe largon protestuesen. Pas ngjarjes së papritur, Avril Lavigne u shpërblye me çmimin “TikTok Award” dhe në fjalën e saj falenderuese ajo nuk la pa përmendur edhe episodin e ndodhur.
“Nëse dikush guxon të më ndërpresë sërish, kanadezi do të dalë nga unë dhe do të vras”, ka thënë sërish këngëtarja me humor.
E sigurisht kjo ngjarje ka arritur të rrëmbejë vemendjen e mediave të huaja si dhe po bën xhiron në rrjetet sociale.
