Këngëtarja Elja Shena është treguar gjithnjë e rezervuar për jetën e saj private dhe në intervista nuk ka preferuar të japë detaje duke e mbajtur jetën e saj sentimenale shumë hermetike.
Burime për Boldnews.al bëjnë me dije se këngëtarja ka qenë e dashuruar me një kosovar, emri i të cilit është Tahir Ferati, i cili njëkohësisht ishte i martuar dhe kishte 4 fëmijë me bashkëshorten e tij.
Elja dhe partneri i saj bashkëjetonin në Kosovë, por duket se dashurisë ia zuri vendin xhelozia dhe sherret e vazhdueshme derisa e gjitha kjo përfundoi me dhunë.
Elja Shena ka paraqitur kallëzim penal ndaj Tahir Feratit, duke parashtruar se ajo ka bashkëjetuar me të për 4 vjet në Kosovë, ndërkohë që ai ishte i martuar me 4 fëmijë.
Marrëdhënia e tyre fillimisht ka qenë e mirë, por me kalimin e kohës marrëdhëniet midis tyre filluan të acaroheshin për shkak të xhelozisë. Në vitin 2018, Tahir Ferati, ka filluar të ushtrojë dhunë fizike ndaj saj për shkaqe xhelozie pasi ajo ishte këngëtare. Ai nuk e lejonte të këndonte në Kosovë, dhe në vitin 2018, ajo është detyruar të kthehej në Tiranë. Në dhjetor 2018, ai ka ushtruar dhunë fizike ndaj saj duke e qëlluar me grushte në fytyrë. Edhe në vitin 2019, ka ushtruar dhunë fizike ndaj saj dhe e ka fyer në praninë e nënës së saj, Yllka Shena. Në vitin 2020 janë takuar së bashku në Tiranë, dhe marrëdhënia ka vazhduar por ai nuk e lejonte të dilte me shoqërinë e saj dhe e fyente vazhdimisht me fjalor të ndyrë.
Sipas Eljas, për herë të fundit janë takuar në datë 18.09.2021, tek shtëpia e saj ku ai i ka kërkuar të vazhdojnë marrëdhënien. Ferati ka vijuar me kërcënime dhe fyerje në adresë të saj sapo ka mësuar që ajo i ishte rikthyer punës si këngëtare. Ai në mënyrë të përsëritur e ka shqetësuar me thirrje telefonike si kallëzuesen dhe familjen e saj dhe këmbëngul të vazhdojnë marrëdhënien kundër dëshirës së saj. Këto fakte janë konfirmuar edhe nga nëna e kallëzueses, shtetasja Yllka Shena.
Gjykata ka vendosur që ish-partneri i saj të qëndrojë në burg.
