Kryetari i Partisë Demokratike, Sali Berisha ka komentuar burgosjen e nënës lehonë në Shkodër.
Në një dalje publike përballë demokratëve, Berisha u shpreh se pushtetarët nuk kanë ndjenja e ajo që dinë të bëjnë më mirë është të vjedhin.
“Do më falni këtu. Po të shikoni atë qeveria, aty pas qëndrojnë 10-12 zonja, në pamje të parë shumë mirë. Por a foli ndonjëra prej tyre për Dianën që e futi në burg lehonë, a e dëgjuat të thojë ndonjëra prej tyre një fjalë. Por çfarë janë këto? A janë nëna këto, a janë motra këto. I transformon vjedhja, vjedhja i bën ato që të mos ndjenjë asgjë për askënd, veç për xhepat, kontot e tyre. Unë dhashë një shembull dhe unë mund të jap me dhjetëra shembuj. Është kryetare parlamenti tjetra. Po kryetare parlamenti që pranon të burgoset për 250 mijë lekë lehona, por ajo duhej ti çonte nga rroga e saj 20 herë ato lekë e jo të pranonte një akt të tillë.“-tha Berisha.
- Arrestimi i nënës lehone:
Ngjarjen e ndodhur në fshati Drisht i Postribës në Shkodër, Diana Bahçja u arrestua nga policia e Shkodrës duke e shkëputur nga djali i saj vetëm 8 ditësh.
Kjo pasi gjykata e shkallës së parë në Tiranë i ka vendosur një gjobë në vitin 2020 prej 2 milionë e 500 mijë lekë të vjetër duke ia konvertuar një javë më parë, pra pas tre vitesh me burg një muaj e 20 ditë.
PD ka kërkuar lirimin e menjëhershëm e nënës, ndërsa thekson se; “Nuk kërkohet logjikë dhe as njohuri në mjekësi për të kuptuar padrejtësinë e dyfishtë të gjykatës dhe policisë ndaj nënës dhe foshnjës”.
