Një 37-vjeçar është arrestuar pasi ka kundërshtuar me forcë punonjësin e Policisë Rrugore për vendosjen e një mase administrative.
Policia bën me dije se në pranga ka rënë shtetasi N.L banues në Kamëz.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin N. L., 37 vjeç, banues në Kamëz, Tiranë, pasi ka kundërshtuar me forcë, punonjësin e Policisë Rrugore, për vendosjen e një mase administrative”- njofton policia.
Materialet procedurale i kaluan Prokurorisë, për veprime të mëtejshme.
