Një i ri është arrestuar nga policia e Mallakastrës pasi akuzohet se ka shantazhuar dy adoleshente me publikim të videove intime, për t’iu marrë para.
Në pranga u vu Mario Rrançi, njoftoi këtë të Martë policia, që saktësoi se pre e shantazheve të 27-vjeçarit janë rënë një vajzë 15 vjeçe dhe një 17-vjeçare.
Uniformat blu u vunë në lëvizje pas kallëzimit të vajzave.
“Shërbimet e Komisariatit të Policisë Mallakastër, pas kallëzimit të marrë nga 2 adoleshente (15 dhe 17 vjeçe) se shantazoheshin nga një shtetas, për t’i dhënë para, që ai të mos iu publikonte foto dhe video me përmbajtje personale kanë kapur dhe arrestuar në flagrancë shtetasin M.Rr., 27 vjeç, banues në Ballsh”, njoftoi policia.
Ndaj tij është ngritur akuza për veprën penale “Shtrëngimi me anë të kanosjes ose dhunës për dhënie pasurie”.
Hetimet e mëtejshme për çështjen do ti kryejë prokuroria e Fierit.
