Breshëria e plumbave ndaj një lokali në zonën e “Don Boskos” në kryeqytet mbrëmjen e sotme, solli vrasjen e një gruaje dhe plagosjen e gjashtë personave të tjerë.
Mimoza Paja, rreth 60 vjeçe mbeti e vdekur nga breshëria e plumbave që u lëshuan në drejtim të lokalit.
Gruaja e cila ishte në orarin e punës në barin ku shërbente si banakiere, dyshohet të jetë vrarë gabimisht.
Ndërkohë rreth ngjarjes ka folur babai i një prej të plagosurve.
Ai ka deklaruar se në momentin e ngjarjes së rëndë, djali i tij po konsumonte kafe në ambientet e lokalit, ndërsa ka mbetur i plagosur lehtë jashtë rrezikut për jetën.
“Kam djalin. Emanuelin. Është më mirë. Ka shpëtuar, është jashtë rrezikut për jetën. Po pinte kafe. Ishte në lokalin e lagjes.”- tha ai.
