Mesfushori i Vllaznisë, Esat Mala mund të jetë lajmi më i keq për trajnerin Mirel Josa në momentin më delikat të sezonit.
Ai u dëmtua në klavikul gjatë ndeshjes me Partizanin ku ishte një nga lojtarët më vendimtarë në fushë për Vllëzninë duke fituar edhe 11-metërshin e golit të barazimit.
Mala do t’i nënshtrohet ndërhyrjes kirurgjikale të hënën dhe periudha e rikuperimit do të jetë minimalisht 1 muaj e gjysmë nëse gjërat shkojnë mirë.
Dëmtimi i Malës e dobëson ndjeshëm Vllazninë që duhet të bëjë llogaritë edhe me tekat e Liridon Latifi, aktualisht i përjashtuar nga skuadra për motive disiplinore.
