Një trup i dekompozuar është gjetur këtë të shtunë në zonën e Divjakës.
Mësohet se trupi i përket një të moshuari, i cili ishte raportuar i zhdukur rreth një muaj më pare nga familjarët.
Policia bën me dije se bëhet fjalë për 60-vjeçarin me iniciale R.P., i cili është denoncuar nga mbesa e tij se është larguar nga banesa.
Në trupin e pajetë nuk janë konstatuar shenja dhune. Ai është gjetur nga banorë të zonës të cilët më pas kanë njoftuar autoritetet.
Njoftimi i policisë:
Më datë 11.03.2023, rreth orës 10:00, në një kanal vaditës në fshatin Korie, Divjakë, është gjetur i dekompozuar, trupi i pajetë i shtetasit R. P., 60 vjeç, banues në Këmishtaj.
Nga kqyrja paraprake, nuk janë konstatuar shenja dhune.
Ky shtetas është shpallur në kërkim në datë 30.01.2023, nga Komisariati i Policisë Divjakë, pas kallëzimit të bërë nga familjarët për largim nga banesa.
Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes.
