Britania do t’i japë Francës pothuajse 500 milionë paund gjatë tre viteve për të ndihmuar në moslejimin e kalimit të emigrantëve me gomone në Kanalin anglez.
Lajmi u dha në një samit në Paris të kryeministrit britanik Rishi Sunak dhe presidentit Emmanuel Macron, i cili tha se Franca gjithashtu do të kontribuonte.
Paratë do të shkojnë për 500 oficerë shtesë dhe një qendër të re paraburgimi në Francë, por kjo nuk do të jetë plotësisht funksionale deri në fund të vitit 2026.
Sunak tha se 500 oficerë francezë shtesë do përdorin teknologji të avancuar si dronët për të parandaluar kalimet në Kanal.
