“Amerika nuk korruptohet po ka tradhëtarët e vetë”, kështu është shprehur kryetari i Partisë Demokratike, Sali Berisha nga Korça këtë të shtunë.
Berisha i bëri thirrje çdo shqiptari që të bashkohet me qëndrimet e opozitës, pasi vetëm në këtë mënyrë do mund të vijë ndryshimi që duhet.
Po ashtu Berisha shprehet për rastet e korruptimit që janë bërë nga zyrtari i FBI-së, McGonigal i cili tani ndodhet pas hekurave.
Ai akzuzon se në këtë bashkëpunim për të dëmtuar opozitën është pjesë dhe ambasadorja amerikane Yuri Kim.
“Sot mendoj unë, ky faktor duhet të zgjojë çdo shqiptar, të shkundë çdo shqiptar. Të ndryshojmë, pse do rrokullisemi ne, të pakësohemi ne në këtë mënyrë, kur u krijuan të gjitha mundësitë që ne të prosperojmë, të begatohemi që pasuritë përrallore të këtij vendi të shndërrohen në mirësi për ne. Unë besoj se çdo shqiptar që e ndjen veten shqiptar dhe e do këtë vend; duhet të marrë një vendim, të kontribuojë për këtë ndryshim të madh në këto zgjedhje
Amerika nuk korruptohet po ka tradhëtarët e vetë. I tillë ishte dhe McGonigal. Ai ishte i vetëm, jo nuk ishte se po të ishte një fenomen i izoluar do thonim na shpëtoi Zoti, iku Lul Basha e na shpëtoi Zoti.
Gonigal të tjerë vazhdojnë betejën antiligjore për të mbajtur me cdo kusht në pushtet Edi Ramën, njeriu që korruptoi McGonigal.
Këtu nga Korça do ti shtroj një pyetje, ndërhyrja jote në gjykatë kundra opozitës, se e pranove vetë pse ishte?
Të ka porositur eprori yt.Ty të ka porositur Edi Rama zonja gurvenatore, si korruptoi McGonigal ju ka korruptuar dhe ju. Amerika s’korruptohet po Yuri Kim po.”, shprehet Berisha.
