Lista e aksidenteve të kësaj të Premeteje është shtuar. I fundit ka ndodhur në Fier, ku një automjet ka pëprlasur një person që lëvizte me biçikletë, duke e lënë të plagosur.
“Rreth orës 19:30, në lagjen ‘Sheq i Madh’, Fier, automjeti tip ‘Benz’, me drejtues shtetasin A.Ç., është përplasur me një biçikletë me drejtues shtetasin P.S., 60 vjeç, banues në fshatin Zhupan, Fier. Si pasojë e përplasje është dëmtuar 60-vjeçari, i cili ndodhet në spital, në kujdesin e mjekëve”, njoftoi policia.
Grupi hetimor po punon për zbardhjen e rrethanave të aksidentit, shtuan të njëjtat burime.
Po pasditen e sotme, një aksident me vdekje u shënua në aksin Korçë-Pogradec.
Më herët gjatë ditës, dy aksidente me pasojë vdekje ndodhën në Kavajë dhe Durrës, ndërsa një ditë më parë, tre të rinj humbën jetën pasi makina me të cilën po udhëtonin ra në nënkalimin te rreth-rrotullimi i TEG-ut.
Gjashtë viktima janë shënuar në 24 orët e fundit, nga aksidentet rrugore.
