Moti i keq ka përfshirë të gjithë bregdetin në Durrës duke bërë që autoritetet të pezullojnë lundrimin për anijet e peshkimit.
Era e fortë dhe deti me dallgë ka detyruar sektorin e peshkimit të pezullojë përkohësisht gjuetinë në det të hapur në pritje të përmirësimit të motit.
Edhe mjetet e tjera lundruese të tonazhit të vogël përfshirë dhe ato turistike kanë shmangur lundrimet në Adriatikun e dallgëzuar. Anijet e peshkimit janë strehuar në kalatat e portit të peshkimit.
Deti regjistron forcën 6-7 ballë, por nga dita e nesërme pritet që shpejtësia e erës të bjerë.
Më herët, lundrimi për anijet e peshkimit u pezullua dhe në Vlorë.
