Inter del pa pikë në sfidën e parë të javës së 26-të në Serie A, me nënkampionët që u mposhtën minimalisht 2-1 në transfertë nga Spezia.
Pjesa e parë u dominua totalisht nga skuadra e Inzaghi-t, madje Lautaro Martinez shpërdoroi një penallti në minutën e 13′.
Edhe pjesa e dytë u dominua nga Inter, por vendasit kaluan të parët në avantazh me Daniele Maldini, me sulmuesin i cili realizoi në minutën e 55′.
Inter barazoi 7 minuta nga fundi i kohës së rregullt me Lukaku, por belgu nuk mjaftoi.
M’bala Nzola gjeti rrugën e rrjetës në minutën e 87′ duke i dhuruar Spezia-s suksesin në këtë sfidë.
Kristian Asllani nuk mori minuta në këtë përballje, ndërsa Inter rikthehet kështu te humbja dhe nuk shkon me humorin e duhur në sfidën e Champions-it ndaj Portos.
Nënkampionët qëndrojnë në koutën e 50-të pikëve, ndërsa Spezia prek koutën e 24-të pikëve.
