Trazirat e shkaktuara nga tifozët bardheblu në “Air Albania” gjatë derbit nuk u mbyllën atyre vetëm dyert për 4 ndeshjet e radhës në shtëpi, por detyrojnë edhe skuadrën të zhvendoset në një qytet tjetër.
Takimin e ditës së shtunë kundër Laçit, skuadra kampione do ta luajë në “Elbasan Arena” me dyer të mbyllura.
Vendimi për ta luajtur ndeshjen në qytetin fqinjë është marrë nga klubi, pasi “Air Albania” nuk i ka hapur dyert për shkak të dëmtimeve në shkallë dhe deri në rivendosjen e plotë të stolave, asnjë skuadër nuk mund të luajë në këtë kompleks.
