Deputeti i Partisë Socialiste për qarkun e Beratit, Bardhyl Kollçaku ka përfunduar në SPAK.
Mësohet se ish-gjenerali i Ushtrisë pak pas orës 11:00 të paradites ka hyrë në ambientet e Prokurorisë së Posaçme, por është ende e paqartë se për çfarë është thirrur.
Dyshimet janë se thirrja e Kollacakut lidhet me çështjen e privatizimit të pronave të ushtrisë, pasi më herët në SPAK ka qenë edhe Artur Meçollari.
Kollçaku është i kallëzuar nga ish-gjenerali Artur Meçollari në vitin 2021 për “shpërdorim detyre” në tjetërsimin e pronave ushtarake në kohën kur Kollçaku ishte shef i Shtatit të Përgjithshëm të Forcave të Armatosura.
Kallëzimi në fjalë ka të bëjë me dhënien me qira të bazës detare të Limionit në Sarandë. Kujtojmë se, përveç Kollçakut, Meçollari ka kallëzuar edhe ish-ministren e Mbrojtjes, Olta Xhaçka.
