Një ngjarje e rëndë ka ndodhur në orët e para të mëngjesit të këtij 8 marsi në lagjen “Liri” në Fier.
Një grua 32-vjeçare, nënë e 3 fëmijëve, ka plagosur me thikë bashkëjetuesin e saj, 33 vjeç me inicialet A.J. I plagosuri ndodhet në spital jashtë rrezikut për jetën.
Policia ka arrestuar 32-vjeçaren me iniciale A. A.
“Specialistët për Hetimin e Krimeve të Komisariatit të Policisë Fier arrestuan në flagrancë shtetasen A. A., 32 vjeçe, banuese në Fier, pasi gjatë orëve të para të mëngjesit, pas një konflikti për motive të dobëta, në banesën e saj, ka goditur me mjet prerës (thikë), bashkëjetuesin, shtetasin A. J., 32 vjeç, i cili është dëmtuar lehtë dhe ndodhet në spital, në kujdesin e mjekëve.”- njofton policia.
Materialet i kaluan Prokurorisë për veprime të mëtejshme, për veprat penale “Dhuna në familje” dhe “Plagosje e lehtë me dashje”.
