Mbrëmjen e djeshme gjatë spektaklit të “BBV”, Efi Dhedhes u përplas ashpër me opinionisten Zhaklin Lekatari pasi e cilësoi si “dhunë” veprimin e Luizit ndaj Kiarës disa ditë më parë (skena te lavamani). Efi këmbënguli se ajo nuk e sheh si të tillë.
Zhaklina insistoi në mendimin e saj dhe i tha Efit se nuk lejon askënd që ta komentojë ndryshe e sidomos me datë 8 Mars, në ditën e gruas.
Pas kësaj, Efi e revultuar tha se “nëse të drejtat e gruas duhet respektuar, pse nuk u përmend aspak tradhtia e Kristit? Pse nuk u komentua? Kristi duhej t’i kishte dërguar një mesazh të dashurës jashtë para se të lidhej me dikë tjetër”.
“Në momentin që puth dikë tjetër ja ke dhënë mesazhin tjetrës”, ia ktheu Zhaklin, deklaratë kjo që po bën xhiron e rrjetit së fundmi e po kritikohet nga të gjitha femrat.
“Po pse duhet ta lëndosh tjetrën jashtë në këtë mënyrë? Ky është mesazhi që do t’i jepni shqiptarëve? Që të tradhtojnë? Që t’i lëndojnë të tjerët pa iu dhënë një shpjegim? Unë këtë nuk e pëlqej aspak.”- replikoi Efi.
Ndërkohë ndjekësit kanë shpërthyer të revoltuar në komente ku kritikojnë ashpër opinionisten e cila lufton për të drejtat e grave, por kur bëhet fjalë për Krisitn i harron.
“Sipas Zhakut, tradhtia është mesazhi që duhet t’i përcjellësh tjetrës”, shkruan një komentuese në rrjet.
