Kreu i Partisë së Lirisë, Ilir Meta shprehu garancinë se marrëveshja me Partinë Demokratike do të sjellë fitoren në zgjedhjet e 14 majit.
Gjatë një deklarate për mediat, Meta shprehu vlerësimin maksimal për të gjithë kandidatët që kanë dalë nga “primaret” e organizuara nga Partia Demokratike.
“Kandidatët nuk janë të Berishës, por të Primareve, ai ishte një proces historik. Nuk ka hile dhe poshtërsi që i ndalon superkandidatët të regjistrohen dhe të jenë fitimtarë në 14 maj. Këtë proces e udhëheqin qytetarët që zgjodhën superkandidatët. Janë superkandidatët Belind Këllici, Igli Cara, Ledina Alijolli, Lucciano Bocci. Vetëm entuziasmohem nga superkandidatët. Janë emra të jashtëzakonshëm, emra të mrekullueshëm që do të fitojnë zgjedhjet”, tha Ilir Meta.
