Benfika nuk ka zhgënjyer pritshmërinë, teksa ka siguruar kalimin në çerekfinalet e Ligës së Kampioneve me një paraqitje bindëse përballë Club Brugge.
Portugezët janë treguar të pamëshirshëm mbrëmjen e sotme teksa në “Estadio da Luz” ka “shpërfytyruar” me rezultatin e thellë 5 me 1, belgët.
Kualifikimi i portugezëve erdhi që në pjesën e parë me Rafa Silva dhe Goncalo Ramos, që shënuan 2 herë në minutat 38’-të dhe 47’-të.
Mirëpo, nuk do të mbaronte me kaq.
Tre gola të tjerë në pjesën e dytë në minutat 57’, 71’ dhe 77’ nga Goncalo Ramos, Joao Mario dhe David Neres plotësuan “manitan” e “luzitanëve”.
Megjithatë, djemtë e Club Brugge arritën të gjenin golin e “nderit” falë Bjorn Meijer në minutën e 87’-të të sfidës, për t’i dhënë kështu fund “vuajtjes” së belgëve në “Estadio da Luz”.
