Pesë shtetas janë arrestuar këtë të hënë në kryeqytet.
Pas kontrollit në banesat e tyre policia gjeti dhe sekuestroi sasi të vogla lënde të dyshuara narkotike kokainë.
“ P. B., 32 vjeç dhe M. G., 35 vjeç, të dy banues në Tiranë, pasi gjatë kontrollit fizik nga shërbimet e Policisë, iu gjetën dhe iu sekuestruan sasi të vogla lënde të dyshuara narkotike kokainë;
– B. P., 32 vjeç, banues në Tiranë, pasi gjatë kontrollit fizik, shërbimet e Policisë i gjetën dhe i sekuestruan një sasi lënde të dyshuar narkotike kanabis”, njofton policia.
Po ashtu në pranga ka rënë dy të rinjë, 20-vjeçar pasi gjatë kontrollit të automjetit që drejtonte secili prej tyre, policia gjeti sasi lënde të dyshuara narkotike kanabis.
“B. K., 20 vjeç, banues në Tiranë dhe O. D., 20 vjeç, banues në Nikël, pasi gjatë kontrollit të automjetit që drejtonte secili prej tyre, shërbimet e Policisë gjetën dhe sekuestruan sasi lënde të dyshuara narkotike kanabis”, njoftojnë blutë.
