Enkelejd Alibeaj ka mbledhur në një nga hotelet e Tiranës Grupin Parlamentar dhe Kryesinë për të diskutuar për axhendën e zgjedhjeve lokale, dy ditë pas vendimit të Gjykatës së Apelit për të dërguar për rigjykim në Shkallën e Parë çështjen e vulës së Partisë Demokratike.
Pak orë më parë, përfaqësuesi ligjor, Idrit Sefa dërgoi në KQZ kërkesën me emrin e Aliebajt si i autorizuar nga Lulzim Basha për regjistrim në zgjedhje.
Para takimit, deputetja Jorida Tabaku, në një prononcim të shkurtër për mediat, tha se 3 marsi nuk ka ndryshuar asgjë dhe se qëndrimi i saj është i njëjti. Sipas saj PD duhet të dalë me kandidatë të bashkuar në zgjedhje.
Për Lulzim Bashën, ajo u shpreh se ai është e shkuara. “Basha është e shkuara, ne shohim nga e ardhmja”- tha Tabaku.
“Qëndrimi im nuk ka ndryshuar. 3 marsi një ditë rutinë. PD duhet të dalë bashkë. Nuk ka asnjë alternativë tjetër,.
E kemi kuptuar kundërshtari jonë është përballë nesh. Nuk ka rëndësi të shohim interesin personal, por të ngrihemi që të prezantojmë një ofertë objektive
I bëj thirrje kolegëve që të bashkohemi dhe t’i ofrojmë shqiptarë një oferttë2 objektivi. E pandershme që në këtë moment të shohim përfitimet personale.”- tha deputetja.
“Duhet secili të ngrihemi mbi veten tonë dhe për të ofruar një ofertë serioze për PD-në në zgjedhjet e 14 majit. Unë nuk besoj që ne garën e kemi me njëri-tjetrin, ne garën e kemi për kundërshtarin Si qytetare e thjeshtë, si anëtare e thjeshtë e Partisë Demokratike, unë do të jem gjithmonë për bashkimin e Partisë Demokratike dhe për Partinë Demokratike si një alternativë e vetme” – tha Tabaku.
