Me vendim qeverie flamuri shqiptar është ulur sot në gjysmë shtizë pasi 5 marsi është shpallur ditë “zie kombëtare” në nderim të viktimave që humbën jetën në përplasjen e trenave në Greqi.
Tragjedia ndodhi në Tempe, në afërsi të Larisës, ku pas përplasjes së dy trenave humbën jetën 57 persona, ndërsa mes viktimave janë edhe 4 shqiptarë. Shumica e viktimave që nuk janë indentifikuar janë të moshës 20-30 vjeç.
Ministria për Europën dhe Punët e Jashtme njoftoi dje se viktimat me origjinë shqiptare që humbën jetën në këtë aksident janë: Ifigjenia Micka, Pavlin Bozo, Joanis Xholla dhe Klaudia Lata.
