Gara e parë e këtij sezoni në kampionatin e Formula 1, do të nisë përsëri me makinat për t’u mundur, ata të kampionëve në fuqi të Red Bull, në vijën e parë.
Max Verstappen dhe Sergio Perez kanë vendosur diktatin e tyre në provat zyrtare të Çmimit të Madh të Bahrejn për garën e nesërme që starton sezonin e ri.
Verstapen ia doli të renditej përsëri para shokut të skuadrës por me vetëm me një avantazh minimal ndaj tij, me më pak se 2 të dhjetat e sekondës që ndanin makinat.
Pas krahëve të tyre ishin dy makinat Ferrari, me Leclerc që u rendit i treti dhe me Sainz i cili siguroi vendin e katërt vetëm me provën e tij në sekondat e fundit të kualifikueses së tretë.
Alonso me Aston Martin siguroi vendin e 5-të ndërsa pas tij ishin me radhë Russell Hamilton, Stroll, Ocon dhe Hulkenberg të cilët plotësuan 10-shen e parë të kualifikueseve.
