Pas përfundimit të gjyqit për vulën në Apel ditën e djeshme, përfaqësuesi ligjor i grupit Alibeaj paralajmëroi se këtë të Premte do të procedohet me regjistrimin në KQZ për zgjedhjet lokale.
Në një reagim, ish-ministri i Drejtësisë Ylli Manjani shprehet se as Enkeljed Alibeaj (i cili u delegua kryetar nga Lulzim Basha) nuk mund të regjistrohet në zgjedhje.
“Sipas këtij neni të Kodit Zgjedhor as Alibeu nuk regjistrohet dot në zgjedhje. I lemë të tjerat, por sipas pikave b dhe e (që pika t’u bjerë) të paragrafit 2, ai NUK ËSHTË KRYETAR i anjë partie! As strukturalisht, as demokratikisht e as formalisht, meqë po luhet me formën. Ligji nuk thotë “person i deleguar”, por shkruan tullë “….kryetari është përfaqësues i partisë”. Madje duhet që ky kryetari , sipas pikë e, të mbajë përgjegjësi për financimet e huaja dhe kriminale… Ky është ligji i shtetit”, shkruan Manjani në një postim në rrjetet sociale.
“Nuk di se çdo shpikin më tej vemjet që hanë mbetjet e gansterit Ndoshta mund të ngjallin Shpyllzimin që ka vdekur dhe vetëvdekur politikisht. Ndoshta! Dhe do bëjnë mirë se mbase marrin vota të vdekurisht, se rob i gjallë me mend të kokë e sy në ballë s’i voton ata të vdekur. Ah po, kanë dhe mbrojtjen e Sudes Amerikane..”, përfundon ai.
