Gjykata e Apelit të Tiranës e ka rrëzuar sot në mbrëmje vendimin e 25 marsit 2022 të gjyqtarit Agron Zhukri, duke dërguar çështjen e “Vulës” së Partisë Demokratike për rigjykim në Shkallën e Parë.
Me këtë vendim, Enkelejd Alibeaj mbetet kryetari në detyrë i Partisë Demokratike, ndërsa pritet që të hënën të regjistrohet në zgjedhje me logon dhe Vulën e PD, ashtu siç paralajmëroi përfaqësuesi i tij ligjor Indrit Sefa.
Vetë Alibeaj ka reaguar pas vendimit të Gjykatës së Apelit për vulën e PD-së, pak minuta pasi nga selia blu foli Sali Berisha dhe paralajmëroi se do të mbrojë me çdo kusht partinë dhe pluralizmin.
Aliebaj me një postim në rrjetet sociale shprehet se ky vendim është ogur i mirë për demokraët që duhet të bashkohen për të mundur Edi Ramën në zgjedhjet e 14 majit, duke dërguar një sinjal për PD e Berishës.
Ai gjithashtu nënvizon se nuk kemi të bëjmë me triumf të askujt, por një vendim që duhet të shtyjë palët të reflektojnë.
“Vendimi i sotem i Gjykates se Apelit vjen si nje ogur i mire per demokratet qe prej me shume se 1 viti po kalojne periudhe te veshtire.Kjo eshte dita kur te gjithe ne demokratet duhet te jemi me te bashkuar se kurre per tu perballur me regjimin e Edi Rames dhe te leme menjane grindjet dhe mosmarrveshjet mes nesh te shkaktuara nga mentaliteti i vjeteruar i politikes shqiptare.
Ftojme te gjjthe demokratet qe te lene menjane pakenaqesite dhe te jemi bashke ne perballjen e 14 majit. Me kandidatet me te mire qe nuk vene interesin personal te askujt mbi interesin e demokrateve. Nuk eshte dite triumfu per askend. Eshte dite reflektimi e thelle per ato qe kemi kaluar dhe per te perballur te ardhmen qe nuk eshte e thjeshte por as e pamundur per t’u dhene dite me te mira”, shprehet ai.
