Për ish-deputetin demokrat Myslim Murrizi, vendimi i marrë sot nga Gjykata e Apelit të Tiranës për të dërguar për rigjykim në Shkallën e Parë çështjen e vulës së Partisë Demokratike, është një vendim burracak.
“Ky është një vendim i tre fundërrinave të tredhur dhe vendim burracak. Po ta çonin deri në fund vendimin, nuk kishin pse e kthenin në Gjykatën e Shkallës se Parë. Është e vetmja Gjykatë Apeli e cila do të gjykojë të gjitha problemet e shqiptarëve. Nga gjashtë gjykata apeli, kanë ngelë vetëm këta me ligjin e Ramës. Është shkri i gjithë apeli, Vlora, Durrësi, Korça dhe Shkodra nuk kanë më”, tha ai.
Murrizi tha në “Çim Pela Live” se ky vendim i bën shqiptarët të kuptojnë se ku po shkon drejtësia në vend.
Ndërkohë për tre gjyqtarët të cilët dhanë verdiktin sipas tij janë të tredhur, pasi s’patën as guximin t’ia jepnin vulën atij për të cilin kishin marrë porosinë.
“Këta duhet të kishin dhënë përfundimisht vulën atyre që kishin pasur porosi, nga ata tre gjyqtarët që i shfaqët në monitor.
Astrik Kalaja nuk justifikon pasurinë, ndërkohë, gjyqtari i shkodrës, Ardian Imeri është larguar për tre milionë lek të vjetra.
Mihali ka shitur pronat në Dhërmi bandave kriminale, pra këto gjyqtarë që për këto llumhane, kanë larguar shumë gjyqtarë të tjerë nga sistemi i drejtësisë, të cilët nuk kishin pisllëqe të tilla“, u shpreh Murrizi.
